『壹』 求一首粵語的對唱歌詞中含有「系唔系既者」的歌，謝謝！
是盧海鵬 李麗霞唱的《系唔系嘅啫》
『貳』 求周星馳電影《功夫》里的經典台詞
沒找到 功夫 的粵語台詞 ，不過有別的，先看著，也很好啊
不給分無所謂了，都是 星迷 嘛！
你個卑鄙無恥下流賤格社會的人渣敗類拆白黨死飛仔
八婆！追咗我三日三夜，見你系女人，唔打你，唔好以為我怕咗你?
大家見啦，條友講嘢長篇大論九唔搭八咿咿哦哦。就成日好似有一隻烏蠅摟住，嗡……對唔住，唔系一隻，系一紮烏蠅喺你耳仔邊，一路飛入你嘅腦里便，救命啊
On你媽咩！你On完未啊！（一拳將唐僧打倒）我已經同你講過我唔得架啦，你仲要On-On-!On-On-!完全不理人地感受既，你再On我就一刀捅死你！
系佢話做雞做到悶，做到冇癮，我家嚇安慰佢啫。你都系雞，重系只老雞添，有冇曾幾何時覺得空虛，覺得寂寞，覺得凍呀？
唔關我事？我做雞竇，都想雞乸好，佢一冇心機就怠慢啲客，啲客就會嬲，一嬲就唔嚟，唔嚟就執笠，執笠我就瞓街，你夠膽話唔關我事？
冚家鏟，我你都夠膽耷？
哈哈，你條契弟，我包大人都夠膽惹？你都算契弟呀你呀
粵語版竟然連說粵語的人都搞不清楚是說什麼。
我一直支持周星馳的粵語原版，我有一些他的台詞，喜歡就拿去。
我唔理佢系神仙又好，妖怪又好，把劍只有我同我意中人先拉得開。就算佢系妖怪，我都會一生一意噉跟住佢架啦。如果唔可以同我喜歡嘅人喺埋一齊呀，就算畀個玉皇大帝你做都唔會開心啦。
悟空，你曳曳嘞。我教你好多次唔好亂咁掟嘢，你又唔聽話嘞。話口未完，連支棍都揼埋。月光寶盒系寶物，你亂咁掟，會染污環境架！好容易掟親啲小朋友。就算冇小朋友，掟親啲花花草草都唔好嘅！
你愛呀？你愛出聲至得架。你愛我會畀你。你唔愛我當然唔畀你啦！無理由你話愛，我唔畀你，你唔愛我畀你架。大家講道理吖嘛！嗱，我數三下，你話愛唔愛啰噃。一……
唐三藏，你煩我一早聽講過，不過諗唔到你咁煩啫。我以前畀個金剛圈你制服呢只馬騮，你竟然唔用！
唐僧：講起嗰個金剛圈尺碼又差，前重後輕，左闊右窄，佢帶咗之後好唔舒服架，成晚失眠，連累埋我架！佢雖然系只馬騮，但系都唔能夠咁虐待佢，官府知道會告我虐畜架嘛！講起個金剛圈，去年我喺陳家村認識一個鐵匠，佢嘅手工精美、價錢公道、童叟無欺，不如等我介紹你再定做一個吖
當時把劍佢離我喉嚨只有0.01公分，但喺四分之一炷香之後，把劍嘅女主人將會徹底噉愛上我，因為我決定講一個大話。雖然本人生平講大話無數，但系依呢一個我認為 系講得最完美嘅！
你應該噉做！我亦應該死！曾經有一份至真嘅愛情擺喺我面前，我冇珍惜。到冇咗嘅時候，先至後悔莫及。塵世間最痛苦莫過於此。你把嘢喺我咽喉度拖落去啦，唔需要猶疑架啦！如果個天可以畀個機會我返轉頭嘅話，我會同個女仔講三個字：我愛你。如果 系都要喺呢份愛加上一個期限，我希望系……一萬年！
On--lyyou--！can take me取西經；
On--lyyou--！能殺妖精鬼怪；
Onlyyou能保護我，唔使畀啲蚌精蟹精嗒我；
只有你咁勁，就是Onlyyou--！
我……啱啱瞓醒冇耐，行過出面無所事事，諗住順便入嚟拜師學藝咋?！你霎時間講到成親咁大件事。我……牙都未刷?！
個天安排得佢拔得出我把紫青寶劍呢，佢必定系一個非凡嘅人，唔會錯嘅。我知道終有一日佢會喺個萬眾矚目嘅情況之下出現，身披金甲聖衣，腳踏七色雲彩嚟迎娶我嘅！
所以話做妖好似做人噉樣，要有仁慈嘅心，有咗仁慈嘅心，就唔再系妖，系人妖。
你嘅良心話我聽你最愛嘅唔系我，系另外一個女人。當我見到佢喺你良心嗰度留低嘅嘢之後，我覺得你經過呢五百年返嚟要搵嘅唔系我，而系佢。你同我都要相信呢啲 系天意，亦都系傳說中嘅緣分。
觀音大使，我諗我開始明白你所講嘅嘢，以前我睇嘢系用對肉眼去睇。但喺我死咗嗰一剎那，我開始用心眼去睇呢個世界，所有嘅嘢真系可以睇得前所未有咁清楚。原來嗰個女仔喺我心入便留低咗一滴眼淚，我完全感受到佢當時 系幾咁傷心。
鹼水面冇過冷河，所以成碗湯有鹼水味。魚蛋亦都冇魚味，但系你為咗掩飾，專登加啲咖喱汁將佢做成咖喱魚蛋，但系噉做太天真嘞，因為你煮嘅時間唔夠，咖喱味根本只系喺表面，而冇入到里便，掂到湯之後重要沖走埋。好好哋一粒咖喱魚蛋，畀你整到冇魚味亦都冇咖喱味，失敗！蘿卜冇揀過啦，太多渣，失敗！豬皮又煮得太腍，冇咬口呀，失敗！啲豬紅松泡泡，一夾就散，失敗中嘅失敗！最慘系啲大腸，裡面都未通干凈，重有嚿屎，你有冇搞錯呀？
但系我哋趁住重有些少時間呢，想同大家介紹一下唐朝新推出嘅「刻骨銘心初戀金銀情侶套餐」，孔子同耶穌都講過，「初戀無限美」，所以我哋揀咗呢個題材。加上高貴嘅用料，每個套餐只系賣九十九個九毫九，一嚿水都唔使呀陰功！隨餐重要附送印花一個，集齊印花五個，再加九十九個九毫九就可以換到呢個刻骨銘心嘅骨頭鏈嘴，呢個鏈嘴因為經我食神開光，所以對於青年男女談戀愛有妙不可言嘅功效嘅。
張台有咁窄得咁窄，張凳有咁迫得咁迫咪等啲友坐得咁舒服，食完嗱嗱聲好走。飲管有咁粗得咁粗，冰有咁大嚿放咁大嚿，杯汽水咪雀一聲飲完買過第二杯啰。你系咪新嚟架？呢啲嘢要我教，你唔好一味得個岌，做啦仆街！
好輕功，輕功奧妙之處系可以令一個好似海狗咁重嘅人，飛到老年咁高，其間重可以鬼殺咁嘈。
好折凳，折凳奧妙之處系可以藏於民居之中，隨手可得。嚇！重可以坐住佢嚟掩藏殺機，就算畀差人拉到亦都銼你唔入，真不愧為七種武器之首。
你以為你匿喺度就搵唔到你咩？冇用架！你啲咁出色嘅難忍（男人），無論喺邊度，都好似漆黑中嘅螢火蟲一樣，咁鮮明，咁出眾。你憂郁嘅眼神，唏噓嘅須根，神乎其技嘅刀法，同埋嗰杯Dry Martine，都徹底噉將你出賣咗。不過，你雖然系咁出色，始終行有行規，無論典（點）你都要找埋尋晚嗰條過夜數，叫雞唔使畀錢呀？
今次我接受國家嘅任務，亦都系有備而嚟嘅。（打開皮箱）嗱，好似呢個model嘅F40噉樣，表面上系一個大哥電話，但 你睇到呢度有一層金屬網膜，實際上，（按一個鈕）佢系一個須刨嚟嘅。（安然剃須）呢個系方便我哋出席一啲宴會場合，能夠神不知鬼不覺噉刮須。（又攞出一個須刨刀） 呢個model911表面上系一個須刨，實際上，（除帽攞住）佢系一個風筒（用「風筒」吹頭）。
聞西：（一路行一路講）阿漆，呢十年你一直做豬肉佬呀？
凌凌漆：應該話系一個唏噓嘅豬肉佬。
聞西：我何嘗唔系一個坎坷嘅賣菜仔呢？好采有份兼職，喺中央精神病研究所做研究工作。
司令：負責做啲咩？
聞西：畀人研究。
凌凌漆：等咗十年，我重以為國家經已忘記咗我添。
司令：點會呢？就算系一張廁紙，一條底褲，都有佢本身嘅用處加嘛。
凌凌漆：呢個比喻真系一流！